ВМРО-ДПМНЕ денеска со голем собир во Скопје
Објавено во: Македонија 16 Октомври, 2016
Партијата на власт, денеска во Скопје ќе го заокружи викендот на трибини, настани и партиски собири .
Во салата Борис Трајковски во Скопје ВМРО-ДПМНЕ денеска организира голем собир каде свое обраќање ќе има лидерот на партијата Никола Груевски.
Од владеачката партија вчера порачаа дека е време за крај на политичката криза.
„Време е за крај на деструкциите, конфликтноста, поигрувањето со чуствата на луѓето, крај за штетите на угледот на државата. Без оглед на желбите и сценаријата на нашите опоненти ние секогаш сме се одликувале со поразлична свест од нив“, порача Никола Тодоров.
СДСМ обвини за притисоци во администрацијат за присуство на Собирот
Вработени во администрацијата кај дополнителниот-заменик министер информатичко општество Александар Кирацовски пријавиле за голем мобинг и притисоци за да излезат на партиски собири и да гласаат на претстојните парламентарни избори.
Тој тоа тврдење го образложи тврдејќи дека му бил доставен список од 2.000 лица на кои раководители и шефови – кадри на ВМРО-ДПМНЕ кои намера да им ѕвонат и да бараат од нив да излезат на протести и контра-протести и на избори како нивни сигурни гласачи. Т
„Се работи за конкретни имиња, презимиња, адреси, избирачки места, телефонски броеви на луѓето. Но, тука ги има и податоците на оние кои ги правеле овие списоци и се обидувале да влијаат“, истакна Кирацовски.
Овој собир на ВМРО-ДПМНЕ доаѓа пред утрешното најавено распуштање на Собранието, кога се очекува и официјално Трајко Вељаноски да закаже избори.