ВМРО-ДПМНЕ: Јанева, Боки 13 и Кичеец сами не можат да изнудат ни 20 евра
Објавено во: Македонија 24 Септември, 2019
Oд ВМРО-ДПМНЕ се сомневаат дека осомничените за случајот „Реект“ сами изнудувале пари.
Разрешената специјална јавна обвинителка, Катица Јанева, шоуменот Боки 13 и бизнисменот Зоки Кичеец, единствените осомничени за „Рекет“ не се сами и не можат да изнудат ни 20 евра, додаваат од партијата.
Велат дека тие не можат да изнудат 20 милиони евра доколку ја немаат поддршката од премиерот Зоран Заев.
„Рускоска срамно ја затвори истрагата само со овие осомничени и со сите нејзини дејствија само ги штитела сите оние ки во јавноста се споменуваат Фрики, Кики, Раки... Постојат индиции дека се пазарат и со некои од обвинетите да не ја откриваат целата мрежа“, изјави Димче Арсовски, портпарол на ВМРО-ДПМНЕ.
Инаку, Ирена Фрчкоска и Дељо Кадиев, адвокатите на поранешната специјална обвинителка Катица Јанева по денешниот распит во Јавното обвинителство за организиран криминал за случајот „Рекет“ рекоа дека осомничената ќе достави гаранција до судот со која ќе се бара ослободување од притвор откако вчера официјално заврши истрагата.