ВМРО-ДПМНЕ ќе ги бојкотира измените на Уставот, за нив тоа е фарса
Објавено во: Македонија 18 Декември, 2018
ВМРО ДПМНЕ нема да учествува во дебатата за уставните амандмани.
ИК на ВМРО-ДПМНЕ и пратеничката група донесоа одлука да не учествуваат во процесот на уставните измени, истакна на прес-конференција пратеникот Антонијо Милошоски, нагласувајќи дека се против уставни амандмани.
„Нема да дадеме легитимитет на оваа фарса. Оние кои ветиле да го направат тоа го кршат Уставот. Ние нема да бидеме дел од неа“ , рече Милошоски.
Тој нагласи дека процесот на измените е спротивно на народната волја изразена на референдумот.
Пратеничката група ја напушти седницата на Комисијата за уставни прашања. Координаторот на пратеничката група Никола Мицески вели дека ВМРО ДПМНЕ нема да учествува во расправата за усвојување на уставните измени.
„ВМРО ДПМНЕ се за ЕУ и НАТО, но се против наметното решение за Северна Македонија“, вели Мицески.
Тој ја обвини власта дека бара алиби во ЕУ и НАТО и ги злоупотребува за да ја оправда својата погрешна политика.
Дебатата во уставната комисија продолжи. Амандамните ги образложува министерот за надворешни работи, Никола Димитров. За уставните амадамни да станат составен дел од Уставот треба да гласаат 80 пратеници.