ВМРО-ДПМНЕ ќе основа ново министерство ако дојде на власт
Објавено во: Економија 29 Февруари, 2020
ВМРО-ДПМНЕ објави дека кога ќе дојде на власт ќе формира министерство за енергетика и минерални суровини. Сепак, од таму тврдат дека тоа не значи зголемување на бирократијата.
Во ингеренциите на овој ресор би била и енергетската ефикасност и заштитата на животната средина според европските стандарди, наведува најголемата опозициска партија во своето соопштение. Од таму велат дека вакво министерство ќе биде клучно за стратешкиот развој за државата.
-Тоа не значи дека ВМРО-ДПМНЕ ќе ја зголеми бирократијата. напротив ќе ја намали бирократијата, и ќе го намали бројот на министерства кои што сега се покажаа како нефункционални и непотребни во државната структура. Министерството за енергетика ќе биде клучно за развојот на овој стратешки сектор во Република Македонија- стои во соопштението.
Од таму велат дека ќе се доделуваат и зелени државни обврзници за повеќе зелени проекти.
-Овој проект предвидува министерството за финансии да издаде зелени обврзници кои ќе бидат долгорочни должнички хартии од вредност. Средствата обезбедени по основ на овие обврзници ќе имаат стриктно определена намена односно ќе се користат за проекти за решавање на проблемот со загадувањето и заштитата на животната средина, додаваат од таму.