ВМРО-ДПМНЕ против државна интервенција во ИВЗ: СДСМ собира поени
Објавено во: Македонија 24 Април, 2019
ВМРО-ДПМНЕ и порача на власта да не се меша со интервенции во работата на Исламската верска заедница, откако вчера полиција беше повикана и од актуелното раководство под реисот Сулејман Реџепи и од Скендер Бузаку, кој тврди дека добил судско решение да го превземе управувањето.
„Последните случувања во ИВЗ ги квалификуваме како скандалозни и недозволиво и најостро ги осудуваме. Она што го видовме е директно мешање на државата во верските заедници што за Република Македонија како секуларна држава е тотално неприфатливо, изјави генералниот секретар на ВМРО-ДПМНЕ, Игор Јанушев“, реле Игор Јанушев, генералниот секретар на ВМРО-ДПМНЕ.
Од таму наведуваат дека целата тензија ја подгреал и потпретседателот на СДСМ и пратеник Мухамед Зеќири со непристојни квалификации.
„Да се потсетиме само во минатото дека потпретседателот на Заев, потпретседателот на СДСМ даваше квалификации за челникот, односно поглаварот на ИЗВ каде што го нарекуваше резил, зло, заштитена мечка и слично. Ваквото мешање најостро го осудувам се уште еднаш и очекуваме надлежните институции кои всушност дојдоа по нарачка и го остварија она што го гледавме вчера дека ќе се повлечат и дека ќе ги преземат сите мерки за расчистување на овој случај“, рече тој.
Јанушев потенцираше дека СДСМ со наводната интервенција сака да собере политички поени пред вториот круг на претседателските избори.