ВМРО-ДПМНЕ тврди дека поради „реформите“ нема датум, а СДСМ ветува дека двојно ќе работи
Објавено во: Македонија 20 Октомври, 2019
Двете најголеми партии имаат различни ставови зошто е потребно да има избори.
Oд ВМРО-ДПМНЕ велат дека граѓаните веќе не му веруваат на премиерот Зоран Заев.
Наведуваат дека „вистинските“ реформи на СДСМ ја оставија Македонија без датум за преговори.
„Време е сега да се стави крај на „вистинските“ реформи на Зоран Заев и неговите пајташи“, реагираат од ВМРО-ДПМНЕ на утринското соопштение на СДСМ.
Од реформи, според партијата на Христијан Мицкоски, граѓаните видоа само криминал, рекет, и продавање на национални интереси.
„Граѓаните во ВМРО-ДПМНЕ гледаат единствена шанса за обнова на Македонија. Граѓаните повеќе не му веруваат на Заев, не му веруваат на СДСМ и нивните лаги и манипулации. Време е за реформи, вистински реформи, политичари кои ќе работат за доброто на граѓаните на Република Македонија. Доаѓа време за обнова на Македонија“, се додава во реакцијата.
Oд СДСМ тврдат дека Европската унија направи историска грешка и тоа беше порака на највисоките претставници на ЕУ.
„Таквата неправда нема да го поколеба општеството, државата, институциите. Напротив, ќе работиме двојно повеќе за европските вредности, стандарди и реформи да ги донесеме тука. Европскиот сон на македонскиот народ, како и на Албанците, Србите, Власите, Турците, Ромите, Бошњаците и сите други кои живеат во нашата земја – нема да биде срушен. Затоа е потребно организирање на брзи предвремени избори. Избори најбрзо што може. Избори на кои граѓаните ќе донесат одлука и потврда за патот по кој треба да продолжи нашата земја. Граѓаните имаат мандат да одлучат дали да одиме по вистинскиот пат на демократски и европски вредности, патот на развој и просперитет, патот што води напред или а одиме по мрачниот пат на изолација, национализам, поделби и конфликти, односно патот што води назад. Нема дилеми дека граѓаните уште еднаш ќе ја обезбедат иднината и ќе ги поразат политиките на поделби, деструкција и неодговорно однесување“, додаваат од СДСМ.
Граѓаните се приклучуваат на правиот пат, патот на раст и развој, интеграција, повисоки плати и повисок животен стандард за сите, велат од владејачката партија.
Можеби ќе ве интересира
ВАНКОВСКА: Ќе се заложам за намалување на воениот буџет
СТО НАЈВЛИЈАТЕЛНИ ЛИЧНОСТИ ВО СВЕТОТ СПОРЕД „ТАЈМ“: На листата се најде Македонката Светлана Мојсов
МИНИСТЕРСТВО ЗА ЗДРАВСТВО ДО СПЕЦИЈАЛИЗАНТИТЕ: Решение ќе има после изборите
КОВАЧЕВСКИ ЗА ИЗЈАВАТА НА ОСМАНИ ЗА ОТВОРЕН БАЛКАН: Политичарите како во избори, даваат изјави што треба, што не треба
Доживотен затвор за убиената жена во Кочани со 40 убоди со нож
ДУИ на симулирана седница ги избра Бујар и Села за претседатели и направи уставни измени
СОНК: Иако е период на избори, најверојатно ќе почне генерален штрајк во установите од културата
ГЕСТ ЗА ПРИМЕР И ПОЧИТ! Која фирма за свои сограѓани од Свети Николе ќе даде над 250.000 евра?
Маричиќ со „дипломатски“ коментари на предлозите на Османи за Сребреница и Отворен Балкан
