ВМРО-ДПМНЕ во честитката за 1 мај истакнува што направила за работниците

Добивај вести на Viber

ВМРО-ДПМНЕ на сите граѓани на Република Македонија им го честита Меѓународниот ден на трудот – 1 мај.

Во соопштението по повод празникот наведуваат дека ВМРО-ДПМНЕ и понатаму останува посветено на зголемување на работничките права, отворањето на нови работни места, зголемувањето на платите, подобрата здравствена и социјална заштита и повисокиот стандард на работниците.

„ВМРО-ДПМНЕ превзема мерки за полесно вработување на сите категории на граѓани и обезбедување на нивна социјална сигурност, пред се на младите, лицата од социјален ризик, самохраните родители, лицата со хендикеп, невработените лица во поодмината возраст итн. Тоа го правиме преку директна поддршка со кредитирање или бенефиции за нивно вработување. Во изминатите години посветено работевме на заштитата на работничките права, воведен е концептот на бруто плата, со што се овозможува интегрирана исплата на плати и придонеси од задолжително социјално осигурување. Со помош на овие политики на ВМРО-ДПМНЕ континуирано се намалува невработеноста која од рекордните највисоки 39% во 2006-та сега е на рекордно ниски 23,7 %. За првпат се донесе Закон за минимална плата, а истата во наредниот период континуирано ќе се зголемува. Се зголемија платите и се воведе задолжителна исплата на регрес за годишен одмор, познат како К-15“ - додаваат од партијата. 

ВМРО-ДПМНЕ ќе продолжи да работи во подобрување на заштитата на работничките права, подобрување на социјалниот статус на работникот во Македонија и обезбедување на негов подобар стандард, стои во соопштението.