ВМРО-ДПМНЕ ЗА АКЦИЗАТА: Ова е единствена влада во светот што додатно ги осиромашува граѓаните во време на криза
Објавено во: Македонија 10 Април, 2020
Опозициската ВМРО-ДПМНЕ денеска излезде со жестока реакција по најавата дека акцизата на горивата ќе се зголеми за два денари.
„Илјадници луѓе веќе остануваат без работа, ги отпуштаат компаниите од своите работни места, а никој не презема никаква мерка за да им помогне и да ги избави од целата ситуација. Во моментов сведоци сме како гледаме дека има предлог од страна на владата да се покачи акцизата на нафтените деривати и горивата за два денари. Ова е недопустливо и ова е невидено. Ова е единствената влада во Република Македонија која што во моментов ја имаме, единствената влада во светот која што наместо да им помага на граѓаните и компаниите во ваква економска криза, дополнително ги осиромашува“, изјави Димче Арсовски, ВМРО-ДПМНЕ.
Покачувањето на акцизата за два денари ќе значи катастрофално одразување врз стандардот на граѓаните. Тоа ќе значи директно товар на грбот на граѓаните, осиромашување за дури 35 милиони евра годишно.
Имавме ситуација кога на почетокот на доаѓањето на СДСМ на власт, владата донесе законска уредба да се покачи акцизата за 3 денари што тоа значеше годишно удирање на грбот на граѓаните за над 48 милиони евра, велат од опозициската партија.