Внимавајте: Фиџет спинерите може да се опасни за децата
Објавено во: Економија 12 Ноември, 2017
Фиџет спинерите, новата хит играчка која стана глобална атракција, може да биде опасна по здравјето на децата. Американскиот синџир на маркети Таргет острани два вида на производи на фиџет спинери како од продавниците, така и од онлајн понудата бидејќи по направените анализи утврдено е дека во нивниот состав има олово што е над дозволените граници.
Децата кои е бидат изложени на олово постои ризик да добијат оштетувања на мозокот, нервниот систем како и да се попречи нивниот правилен развој. Откриените фиџет спинери се направени од производителот Bulls i Toy и ќе се утврдува како дошло до зголемено ниво на олово во играчките.
Истражувањето го извршило американското здружение за заштита на корисници U.S. PIRG и побара истрагата да продолжи и со други брендови на фиџет спинери. Токму поради нивната огромна популарност голем број на производители започнаа да ги изработуваат за да ја задоволат побарувачката на пазарот па постои ризик меѓу нив да има и компании или поединци кои не ги почитуваат правилата во трката за брз профит.