ВНИМАВАЈТЕ КОМУ ДАВАТЕ КАПАР ЗА СТАН - вработен во Агенција за недвижности им ги „здиплил“ парите на две скопјанки
Објавено во: Македонија 28 Септември, 2021
Единицата за внатрешни работи - Одделение за криминалистички работи Аеродром и Драчево поднела кривична пријава против О.С.(47) од Скопје, поради постоење основи на сомнение дека сторил кривично дело „измама“.
„Имено, во временскиот период јули-септември 2020, со намера да се стекне со противправна имотна корист, О.С. сторил две кривични дела ‚измама', при што како вработен агент за недвижности во приватна агенција од Скопје, ги довел во заблуда И.К. и С.А., двете од Скопје, на кои им зел капар за продажба на два стана во изградба, но земениот капар не го уплатил во агенцијата во која е вработен“, се вели во соопштението од МВР.
Извршувајќи ги овие дела, како што нагласуваат, О.С. се стекнал со противправна имотна корист од околу 110.000 денари или 1.800 евра.