Во 2013-та МРТ со буџет над 5 милиони евра

Добивај вести на Viber

Приходот од радиодифузната такса е основен извор на финансирање на МРТ,  кој за оваа година е планиран да изнесува 998 милиони денари, што е 63,5 проценти учество во вкупно планираните приходи. Од буџетот на државата се планирани 143 милиони денари, а од продажба на рекламен простор се очекува приход од 80 милиони денари, што е  5,09 проценти учество во вкупниот приход. За создавање и емитување на програмата се планирани 1.569.000.000 денари, а од нив за плати на вработените се планирани 332 милиони денари. Годишниот финансиски план на МРТ за 2013 го образложи претседателот на Советот на ЈП МРТ Слободан Чашуле на 55 седниц во Собранието. Тој истакна дека се направени сериозни иновации,  што довело и до раст на гледаноста. - МРТ се крева. За да ги достигне стандардите ќе и треба време и ресурси, но процесот почна. Размислуваме како да ја унапредиме програмата во сите сервиси и на сите јазици, рече Чашуле. На седницата беа донесени и одлуки за одобрување финансиски планови за активностите на сателитските програмски сервиси на МРТ наменети за иселениците, како и финансиски план за редовните и инвестициските активности за Собранискиот канал за 2013.