Во Анталија трајно се доселуваат илјадници странци, 39-мина се од Македонија
Објавено во: Свет 12 Јули, 2019
Анталија е еден од најкосмополитските градови во светот, а турскиот нститут за статистика објави дека таму на крајот на 2018 имало 75.822 илјади странски жители кои се доселиле трајно, а меѓу нив и 39 Македонци.
Најбројни се Русите со бројка од 11.419, а зад нив Германците со 8.174 доселеници. Меѓу сите заедно, 45 илјади од нив се жени, а 30 илјади се мажи. На третото место се државјани од Иран со 7.709 луѓе.
Меѓу оние кои доминираат со бројките се и многу граѓани од екс-советските земји, но ги има и од Западна Европа како 1.340 од Англија, 1.162 од Холандија, 644 од Норвешка, 601 од Австрија, 566 од Шведска, 514 од Данска, 404 од Белгија, 403 од Финска, Швајцарија 205, 184 од Бугарија, 164 од Франција, 144 од Полска, 87 од Романија, 82 од Италија, 53 од Србија, 52 од Косово, 50 од Босна и Херцеговина, 39 од Грција, 39 странци од Македонија, 35 од Шпанија и 31 од Албанија живеат во Анталија.
Од Блискиот исток, се истакнуваат Ирак со 5.711 луѓе и Јордан со 1.241. Од африканските земјим најбројни се Египјаните (295) , од САД ги 447 државјани, а 969 се прикажани како лица без државјанство.