Во четврток телата на загинатите ќе бидат донесени авионски од Бугарија
Објавено во: Македонија 29 Ноември, 2021
Шефот на дипломатијата, Бујар Османи соопшти дека е донесена одлука за пренос на телата на нашите сограѓани кои загинаа во трагичната несреќа минатата недела во Бугарија. Преносот ќе се изврши во четврток, 2 декември.
Владата на Бугарија го прифати нашето барање преносот од Софија до Скопје да се изврши со авион на Р. Бугарија, додека од меѓународниот аеродром Скопје, преку организиран државен протокол, останките ќе им бидат предадени на семејствата во нивните домови.
„Останувам во блиска комуникација со семејствата за останатите детали, а јавноста ќе биде информирана навремено исто така“, вели Османи.
Во автобуската несреќа во Бугарија минатата недела загинаа 45 наши граѓани.