Во Европската народна партија затворена вратата за партијата на Виктор Орбан

Добивај вести на Viber

Европската народна партија вчера го суспендираше членството на унгарската партија Фидес. 

Ова го соопшти нејзиниот лидер Жозеф Дол.

Политичката организација на десниот центар, која е најголема групација во Европскиот парламент, се состана во Брисел за да го разгледа статусот на партијата на унгарскиот премиер, Виктор Орбан.

Огромно мнозинство од 190 гласови за, наспроти 3 гласа против го поддржале предлогот за суспензија на членството на Фидеш, кој веднаш стапува на сила.

Партијата на Орбан, претходно најави дека доколку биде усвоен предлогот за суспензија на Фидес од ЕПП, тие веднаш ќе се повлечат од членството во Европската народна партија.

Претходно имаше тензии меѓу Орбан и некои од неговите колеги во Европската народна партија. Орбан го обвинуваа за распалување омраза со анти-имиграционите кампањи, директно мешање во независноста на судството и непочитување на слободата на медиумите.

Орбан изјави дека доброволно се согласил привремено да го запре учеството на неговата партија Фидес во работата на Европската народна партија (ЕПП).

Орбан рекол дека собранието на овој главен сојуз на партиите од десниот центар во Европскиот парламент се согласиле да не ја исфрлат или суспендираат Фидес, туку да ѝ дозволат доброволно да не учествува во работата на ЕПП додека независната комисија не го заврши надзорот во врска со владеењето на правото во Унгарија, пренесува „Ројтерс“.