Во Германија 122 граѓани ќе добиваат безусловен приход од 1.200 евра месечно
Објавено во: Финансии 02 Јуни, 2021
Во Германија почна експеримент при што 122 граѓани ќе добиваат безусловен приход од 1.200 евра месечно.
Во следните три години, тие ќе добиваат основен месечен приход. Учесниците не мораа да докажат дека имаат потреба од пари, а за време на проектот им беше дозволено да прават што и колку сакаат.
Парите за проектот ги обезбедија околу 150.000 приватни донатори, а оние што ќе ги добијат во следните три години нема да мора да пријавуваат данок. Тоа се донирани пари во износ од 43.200 евра по учесник, вкупно околу 5,2 милиони евра. Проектот го започна едно непрофитно здружение во Берлин. Вакви експерименти претходно беа спроведувани во скандинавските земји.