Во градскиот буџет на Скопје за 2022 осум пати помалку пари за субвенции за инвертери
Објавено во: Македонија 26 Декември, 2021
Предложениот буџет на Град Скопје за 2022 од градоначалничката Данела Арсовска кој треба да се најде на седница следната недела драстично се намалени некои од ставките кои се однесуваат на животната средина, а истовремено се зголемени парите за патната инфраструктура.
Вкупниот основен буџет за 2022 изнесува 4.680.000.000 или околу 76 милиони евра, а секторот за животна средина ќе располага со трипати помалку пари во 2022. Ако во ланскиот за оваа намена биле предвидени 213 милиони денари, Арсовска во својот прв буџет одделува само 73 милиони.
Субвенциите за инвертери се намалени за осум пати и од 120 се сведуваат на 24 милиони денари. Средствата за подигнување ново зеленило, паркови и дрвореди се намалени за 10 проценти, а ќе бидат набавени и 33 отсто помалку садници.
Во 2022 не се предвидени средства за изведба и за проектирање на новите паркови во Кисела Вода, Аеродром, Чаир, Карпош и Ѓорче Петров.