Во Истанбул може да загинат 30.000 луѓе при разорен земјотрес
Објавено во: Балкан 16 Август, 2018
До 30 илјади луѓе може да загинат, ако земјотрес со јачина од 7,5 степени по Рихтер го погоди реонот на Истанбул.
На ова предупредува Турската владина Дирекција за управување при катастрофи и вонредни ситуации (АФАД)
Директорот на АФАД, Мурат Нурлу даде изјава за Си-ЕН-Ен Турк пред претстојната годишнина од земјотресот со интензитет од 7,4 степени по Рихтер (на 17 август 1999 година) во северозападна Турција, при што загинаа над 17 илјади луѓе.
Нурлу денеска изјави дека ако во Истанбул се случи земјотрес со јачина од 7,5 по Рихтер околу 50 илјади луѓе може да бидат сериозно повредени и може да се урнат речиси 45 илјади згради. Околу 2,4 милиони луѓе може да останат без дом.