Во куќата на стравот се најдени гладни и дехидрирани деца
Објавено во: Свет 19 Јуни, 2021
Во куќата на стравот во Бразил се најдени гладни и дехидрирани деца.
Гладни, жедни и голи децата се најдени заклучени на имот во Макапа, Бразил, откако за нив било оставено 13-годишно девојче да се грижи.
Седум голи и гладни деца беа спасени откако се пронајдени заклучени во валкан стан. Полицијата реагирала по анонимни дојави.
Децата се на возраст меѓу три и седум години. Тие имале рани на телата и покажувале знаци на анемија. Едно од момчињата има аутизам и сите биле пренесени на лекар.
Според полициските службеници кои отишле во куќата и ги спасиле децата, имотот бил нечист, а внатре немало проточна вода или вода за пиење, ниту храна, шпорет или фрижидер.
Полицајците првично не ги најдоа жените, но подоцна две мајки контактираа со службите за заштита на децата за да ги вратат децата. Службите за заштита на децата се обидоа да ги пронајдат татковците и бабите и дедовците на децата.