Во Лондон поставени градски клупи кои апсорбираат смог

Добивај вести на Viber

Велика Британија со нов потег за чист воздух. Станува збор за City Tree“ клупи кои служат и како филтери кои го впиваат загадувањето од воздухот.

Ваквите клупи се поставени во Лондон, бидејќи таму е измерен најлош квалитет на воздухот и во последно време степенот на загаденост ги надминува границите што ги постави ЕУ.

„Сити Три“ клупите работат со помош на мов и други растенија кои природно отстрануваат азот диоксид, прашина и гасови од воздухот, а поставени се пред продавници со органска храна и популарни кафулиња во близина на Пикадили.

Клупите се вклучени на интернет и покажуваат податоци за квалитетот на воздухот, температурата, квалитетот на водата и влажноста на земјата. Во нив има соларни плочи кои ги снабдуваат со енергија и направени се од цврст материјал за да бидат отпорни на удари од страна на вандали.

Произведени се од германската компанија „Грин Сити Солушнс“ (Green City Solutions). Иако не е голема, производителите тврдат дека една клупа дејствува како 275 вистински стебла. Една клупа годишно може да филтрира 265 јаглерод диоксид и други честици.

Вакви клупи освен во Лондон има и во градови како што се Хонг Конг, Амстердам, Париз и Осло.

Целта на производителот е оваа технологијата да ја инсталира во згради за да може да се регулира квалитетот и температурата на воздухот  во големите градови.