Во Македонија од Ковид-19 почина и здравствен работник

Добивај вести на Viber

Почина и првиот здравствен работник од Ковид 19, информираа од Фармацевтската комора. Станува збор за фармацевтскиот работник Петар Мојсоски од село Подгoрци, Струга, кој починал вчера на Инфективната клиника во Скопје. Мојсовски имал 58 години и се заразил извршувајќи ја својата работа.

Од Фармацевтската комора за Фактор велат дека нивниот колега бил исклучително внимателен човек, дисциплиниран, посветен на професијата и истражувач од својата област.

„Колку што ни е нам познато, тој беше здрав човек. Немавме информации дека имал здравствени проблеми порано, тоа најверојатно го знаат епидемиолозите сега. Како Фармацевтска комора апелираме да се подигне свеста на граѓаните, пациентите за опасноста во која се наоѓаме. Мора сите да бидат свесни дека и фармацевтите и останатите здравствени работници можат да бидат изложени на голем ризик доколку пациентите не ги почитуваат мерките и протоколите за заштита. Мора да се научат во аптека еден по еден, затоа што фармацевтте не можат да бидат и редари, вели Бистра Ангеловска, претседател на Фармацевтската комора.

Неофицијално, негови колеги од Подгорци велат дека починатиот здравствен работник се заразил од пациенти кои доаѓале на преглед во ординацијата во чиј склоп била аптеката во која работел Мојсовски во Подгорци.

А.Б.