ВО МИНУС СЕ СИТЕ КОИ КУПУВАЛЕ БИТКОИНИ ОД ПОЧЕТОКОТ НА 2021: Вредноста вртоглаво паѓа, малите инвеститори ги губат животните заштеди

Добивај вести на Viber

Хаосот на пазарот на криптовалути НЕ завршува. Најпопуларната криптовалута, биткоинот, е на најниско ниво од крајот на 2020 година. Во моментов, еден биткоин вреди помалку од 30.000 долари, а само пред една недела вредноста му беше 35.500 долари пред една недела, додека својот врв го имаше во ноември 2021 година, кога вредече дури 68.000 долари. Цената стана многу нестабилна во последните денови, па во еден момент таа изнесуваше помалку од 27.000 долари, пишува хрватски Индекс.

Едноставно, во минус се сите оние кои купувале биткоин од почетокот на 2021 година до денес, а во зависност од датумот и цената на купувањето, изгубиле повеќе од половина од влоговите. Проценките велат дека само во последните неколку дена, од пазарот на крипто е избришана вредност од трилиони долари.

Ситуацијата со повеќето други криптовалути е уште полоша. Вториот најпопуларен, ethereum, вредеше до 4.800 долари на својот врв, а моментално вреди околу 2.000 долари. Криптовалутата Солана не вреди ниту една петтина од врвот на вредноста од минатиот ноември. Некои криптовалути изгубија третина од својата вредност само во последните 24 часа.

Цената на биткоинот нагло паѓа

Колку е драматична ситуацијата покажува податокот дека многу мали инвеститори, на социјалните мрежи како што е Твитер пишуваат дека ги губат животните заштеди.

Колапсот дојде откако ФЕД, централната банка на САД, ги зголеми референтните каматни стапки и најави нови зголемувања до крајот на годината. Во таква ситуација, инвеститорите прво ги повлекуваат инвестициите од високо ризични средства, а криптовалутите технички се повеќе форма на високоризични средства отколку валута. „Cryptoproperty“ е подобро име.

Целосен колапс на „стабилна“ криптовалута

Но, убедливо најинтересниот феномен што се случува е целосниот колапс на terraUSD, кој е замислен како „stablecoin“, криптовалута со постабилна вредност, која е врзана за доларот.

Стабилкоините се криптовалути чија цена е поврзана со друга (како што е биткоинот), злато и други благородни метали, стоки со кои се тргува на пазарот или „нормална“ валута како што се доларот, еврото и швајцарскиот франк, наведува Индекс.хр