Во Ноември 2017 ќе се одржи шестото издание на „Самит Македонија 2025“

Добивај вести на Viber

На 1-ви и 2-ри ноември, Скопје по шести пат ќе биде домаќин на „Самит Македонија 2025“ кој ќе се одржи во Хотел Мериот. Самитот претставува водечка регионална платформа за споделување на последните светски трендови во бизнисот, инвестициите, технолошките иновации и одговорното лидерство. 

Очекуваме повеќе од 30 исклучителни говорници, а дел од оние кои го потврдија учеството се: Ноа Горски, Менаџер за односи со клиенти во Фејсбук; Вук Јеремич,  Поранешен српски министер за надворешни работи; Ацо Момчиловиќ од хрватската Римац Автомобили, производител на најбрзите електрични автомобили во светот; Рубен Вардањан, влијателен руски претприемач, кој преку „Ерменија 2020“ реализира значителни социјални инвестиции во родната Ерменија; Тјаша Фицко, Заменик-градоначалник на Љубљана, која го предводи проектот со кој Љубљана стана главен „зелен“ град на Европа и многу други. 

Очекуваме интересни дебати кои ќе ги разработат најдобрите практики на економски успешните мали земји, примери за успешно и инспиративно лидерство, технологии на идното време, значењето на медиумите и телекомуникациската индустрија, улогата на социјалните медиуми и платформи, развој на Македонија во регионален центар за паметни технологии, значењето на странските инвестции за земји како нашата, како и примери за „паметни“ технологии и обновливи извори на енергија.

Самитот е уникатна прилика за поврзување и развивање на соработка со повеќе од 300 гости, вклучувајќи и дипломати, извршни директори, претприемачи, членови на академијата, како и бизнис професионалци од дијаспората. 

Регистрацијата е отворена и овозможува специјални пакети за рана регистрација до 1-ви септември, како и поволности за мали и средни компании.

Повеќе информации на www.mk2025summit.com.