Во полиција повикани советници кои протестирале пред домот на Ременски
Објавено во: Македонија 23 Март, 2018
Советниците во Општина Карпош од ВМРО-ДПМНЕ, кои протестираа пред домот на пратеничката Фросина Ташевска-Ременски поради изгласувањето на Законот за јазиците, се повикани на распит во полиција.
По дадениот исказ, тие се осомничени за насилство. Велат дека не направиле ништо лошо, туку го искористиле демократското право за изразување протест, при што не навредувале никого, туку пееле патриотски песни. Негираат дека нивната матична партија има каква било врска со неделниот настан и изразуваат сомнеж околу веродостојноста на пораките од вибер-комуникацијата што доспеаја до рацете на Ременски.
Тони
Јаревски и Сашо Лазаревски велат дека протестирале 15 минути.
Во неделата Ременски на „Фејсбук“ објави видео од протестот и најави приватни кривични пријави. Протести се организираат по
изгласувањето на Законот за употреба на јазиците. Полицијата соопшти дека ќе ги
брани домовите на пратениците.