Во село најдени ковчези во кои имало и деца
Објавено во: Свет 17 Мај, 2018
Во германското село Денсен неодамна во капелата се пронајдени 37 ковчези кои биле положени врз клупи, а меѓу мртвите тела освен возрасни имало и 4 деца.
Ова го открил маж кој ја проучува историјата на црквите во малите селски места. Тој наишол на капелата во Денсен, која била во урнатини и обрасната со грмушки. Ѕирнал низ прозорецот и видел глетка од која се леди крвта во вените.
„Едвај дојдов до капелата, морав да ги растргнам грмушките. На прозорците имаше решетки, а кога погледнав низ прозорецот, речиси се онесвестив од шокот. Целата внатрешност на капелата беше исполнета со прашливи ковчези и исушени венци. Со години ги проучувам историјата и староста на црквата, но никогаш не сум видел ништо слично“ - вели мажот за германските медиуми.Началникот на Денсен, Ханс - Дитер Улман рече дека станува збор за мавзолеј на благородничко семејство. последниот мртовец е положен во мавзолејот пред околу 60 години.