ВО СЕНКА НА ТЕРОРИСТИЧКИ НАПАДИ: Британците денес бираат нов лидер-„мртва трка“ меѓу Меј и Корбин

Добивај вести на Viber

Во Британија денес се одржуваат вонредни парламентарни избори, во сенка на два терoристички напади кои се случија во текот на предизборната кампања, а исходот од гласањето ќе одреди кој ќе ја обликува иднината на Обединетото Кралство по излегувањето од Европската унија.

Британците, од 07:00 дo 22:00 часот, ќе се определуваат помеѓу 3.303 кандидати во 650 изборни окрузи ширум земјата, колку што има места во Долниот дом на парламентот.Тоа значи дека за апсолутно мнозинство се потребни 326 пратеници.

Право на глас имаат полнолетните Британци, потоа државјани на Репблика Ирска, и земјите од Комонвелтот, како и Британците и Ирци од Северна Ирска кои живеат во странство,  а кои се регистрирани на избирачкиот список во Британија во последните 15 години.

Во трка се две партии-Конзервативната партија на десниот центар, на чело со премиерката Тереза Меј и левичарската Лабуристичка партија која ја предводи Џерем Корбин. Зад нив следи либерално-демократската партија на левиот центар, потоа популистичката и евроскептична Партија за независност на Обединетото Кралство, и левичарски ориентираната Зелена Партија.

Анкетите наговестуваат дека конзервативците се на пат кон победа, но дека и лабуристите би можеле да формираат влада со поддршка на помалите левичарски партии.

Британците најмногу ги интересира како новата гарнитура на власт ќе ги решава прашањата на Брегзит, тероризмот, националната здравствена служба,имиграција и економија.