Во Шпанија избори, нашето членство во НАТО во декември виси
Објавено во: Македонија 18 Септември, 2019
Во Шпанија на 10 ноември ќе се одржат предвремени парламентарни избори, со што оваа земја нема да го ратификува пристапниот протокол за влез на Макеоднија во НАТО, па најверојатно нашата земја и нема формално да стане членка на Алијансата на самитот закажан за 3 декември.
Владиниот портпарл Муамед Хоџа денеска изјави дека процесот за интеграција во НАТО е неповратен. Македонија ќе учествува на Самиот на 3 декември и портпаролот вели дека не се очекуваат проблеми. Сепак потенцираше дека Македонија формално ќе стане членка откако сите земји ќе го ратфикуваат што значи дека ќе терба да се чека и на Шпанија што ќе ја одолговлечи постапката.
„Процесот на ратификација одеше со вонредно брзо темпо. До септември 22 од 29 земји членки го ратификуваа претпристапниот протокол. Останатите ќе го ратификуваат согласно нивните домашни случувања, рееч Хоџа.
Кралот Фелипе Шести одлучи денеска изборите во Шпанија да бидат на 10 ноември. До декември тамошниот парламент секако нема да може да се состане.
Поради тоа нашето членство формално ќе се случи во 2020 година.