Во Скопје гори на 18 локации, состојбата се менува од минута во минута
Објавено во: Македонија 05 Август, 2021
Од Центарот за управување со кризи (ЦУК) на прес-конференција соопштија дека состојбата е алармантна во Куманово каде пожар денес избувнал на уште 8 локации, алармантно е во Прилеп, а 18 пожари во моментов се активни само во Скопје, а најкритично е во Кучково, Добри дол и Ракотинце во Општина Сопиште.
За гаснење на пожарот во ова место се побарани 50 војници од АРМ. Од ЦУК велат дека состојбата со пожарите од минута во минута се менува.
Четири куќи се изгорени во околината на Свети Николе. Директорот на ЦУК, Стојанче Ангелов посочи дека има сомнителни моменти бидејќи спорно е како на некои места одеднаш се палат толку пожари и полицијата работи на нивно утврдување.