Во Слупчане ќе се гради спомен кула во чест на ОНА
Објавено во: Македонија 10 Јуни, 2021
Во Општина Липково ќе се изгради спомен кула во чест на ОНА, и ќе чини 200.000 евра.
Градоначалникот на Липково, Еркан Арифи, изјави дека изградбата на споменикот доцни.
Ќе биде лоцирана во селото Слупчане. На сајтот на Бирото за јавни набавки веќе е објавен договорот меѓу општината и компанијата „Хоџа инжинеринг“ од Куманово, која има рок изградбата да ја заврши за шест месеци, односно до 25 ноември. Договорот, со вклучено ДДВ е склучен на сума од 12.115.109 милиони денари, или приближно 200.000 евра. Претседателот на ДУИ Али Ахмети и локалната власт минатата недела на 20-годишнината од војната во 2001 година, таму положија цвеќе со ветување дека кулата ќе биде завршена до 28 ноември – Денот на албанското знаме.