Во Струмица ниту еден заболен од Ковид-19 не сакал да гласа
Објавено во: Македонија 16 Октомври, 2021
Во Општина Струмица ниту еден од 186 активни позитивни случаи на Ковид-19 не сакал денеска да го искористи своето право на глас за локалните избори, пренесува Сител.
Претходно Државната изборна комисија објави дека на ниво на целата територија на Македонија само 476 лица кои се во домашен карантин или на кои им е определена мерка самоизолација поради Ковид-19 одбрале да гласаат во своите домови.
Ова гласање го спорведуваат посебни избирачки одбори составени од медицински персонал и лица номинирани од политичките партии.
Инаку, во моментов има вкупно 6.693 активни случаи на Ковид во државава.