Во Венецуела е трагично: Инфлацијата до небо, платата им е 7 долари а трошоците за живот 300
Објавено во: Свет 08 Февруари, 2019
Ситуацијата во Венецуела од ден во ден е се полоша. Светот прашува како живеат тие луѓе таму, кој го поддржуваат, и дали стравуваат за својата иднина.
Инфлацијата, приказните за потенцијална граѓанска војна, митинзи, контрамитинзи, два претседатели, и свет , кој изгледа одамна заземал страна.
На сред венецуелската бура живее мал број на Срби и нешто повеќе од оние кои имаат српско потекло, пишуваат медиумите од соседна Србија.
Тие раскажуваат дека од ден во ден е се потешко.
-Инфлацијата е толку голема што не можеме да си купиме основни намирници, а се случува на пример, за сирењето да се менува цената во текот на денот дури трипати-раскажал Мартинез Солунац за БиБиСи на српски.
Тој, како што се наведува, има 47 години,не зборувал српски, но живеел во Маракајо во сојузната држава Арагва, на северот од Венецуела.
-Потребни се околу 300 долари месечно за живот, а платата која ја дава државата е околу седум долари-истакнува ток.
Земјата која официајлно има најголеми резерви на нафта во светот, веќе со години ја мачат многу работи, а веројатно најмногу инфлацијата.
-Толку често ја менуваат валутата што е тешко да се објасни, но ги отстранија нулите, за да избегнат такви цифри- посочува Мартинез Солунац, истакнувајќи дека на протестите фрлаат пари.