Водовод: Фонтаната „Воин на коњ“ не работеше само еден ден

Добивај вести на Viber

ЈП Водовод и канализација - Скопје испрати демант до редакцијата на „Фактор“ со објаснување дека фонтаната „Воин на коњ“ на Плоштад Македонија не работела само еден ден, поради како што велат од таму, санација на водоводната инсталација.

„Би сакале да ве известиме дека фонтаните во централното градско подрачје работат во период од април до септември во зависност од временските услови. Истите работат односно функционираат преку софтвер кој го регулира начинот и времето на работа. Во однос на посочента фонтана „Воин на коњ” за која во јавноста имаше информација дека истата не работи би сакале да ве информираме дека во рамки на еден ден се вршеше санација на водоводна инсталција по што истата беше повторно ставена во функција“, реагираат од „Водовод“.

Фактор вчера објави дека фонтаната кај споменикот „Воин на коњ“ во центарот на Скопје вчера не работеше. 

За тесетување, иако се јавивме во јавното претпријатије „Водовод и канализација“ да прашаме која е причината и зошто фонтаната не функционира, но оттаму операторите ни рекоа дека не знаат зошто е тоа така и дека евентуално следниот ден можат да ни дадат одговор. Граѓаните забележуваат дека и тревата не е соодветно одржувана.  Ова се случувало и во минатото во повеќе градови во Македонија, во текот на летните месеци, фонтаните кои се украс на централните градски подрачја да не работат.