Воислав Стојановски: Загрозени беа голем број на човекови права гарантирани со Уставот
Објавено во: Македонија 28 Април, 2017
При немирите синоќа во Собранието на Република Македонија беа загрозени повеќе човекови права, потврдуваат од Хелсиншкиот комитет за човекови права.
„Беа загрозени голем број на човекови права гарантирани со Уставот, меѓу кои правото на живот (загрозено е кога државата не презема мерки за негова заштита), правото на физички и морален интегритет, правото на слобода и слободно движење и правото на вршење на јавна функција. Во моментов е неопходна итна истрага од страна на Секторот за внатрешна контрола при МВР и јавното обвинителство за утврдување на одговорност кај сите инволвирани во насилните немири“ - вели Воислав Стојановски од Хелсиншкиот комитет за човекови права.
Според него, истрагата мора да започне со суспендирање на сите полициски службеници кои ја злоупотребија својата положба и нивните претпоставени и приведување на напаѓачите и организаторите на протестот „За заедничка Македонија“.