12 Август, 2022
0.0227

ВОНРЕДНА СОСТОЈБА ВО УНГАРИЈА ПРОГЛАСИ ОРБАН: „Војната во Украина е закана за земјата, мерката тапува на сила од полноќ“

Објавено во: Свет 24 Мај, 2022

Добивај вести на Viber

Унгарската влада денеска прогласи вонредна состојба поради војната во Украина, која ќе стапи на сила на полноќ, најави премиерот Виктор Орбан.

Во видеото што го објави на Фејсбук неколку часа откако парламентот го усвои амандманот на уставот во кој се наведуваат конфликти, војна или хуманитарна катастрофа во соседна земја како причини за мерката, Орбан рече дека војната во Украина претставува закана за Унгарија, физичката безбедност на нејзините граѓани, енергетските залихи и финансиската сигурност на семејствата и стопанството, јавува МТИ.

Тој нагласи дека Владата која денеска положи заклетва веднаш почна со работа и посочи дека се уште никој не го гледа крајот на војната во Украина.

„Светот е на работ на економска криза. Унгарија мора да се држи настрана од оваа војна и да ја заштити финансиската сигурност на граѓаните“, рече Орбан.

Тој додаде дека за да се направи тоа, Владата мора да биде способна да носи одлуки и брзо да реагира.

„Вонредната состојба, слична на онаа воведена за време на пандемијата, ќе и овозможи на владата брзо да реагира и да ги искористи сите достапни методи за заштита на Унгарија и Унгарците“, рече Орбан.

Унгарскиот парламент претходно денеска го усвои 10-тиот амандман на Уставот, со кој се дозволува владата да прогласи вонредна состојба во случај на вооружен конфликт, војна или хуманитарна катастрофа во соседна земја.

Според измените на Уставот, може да се воведе посебен правен поредок во случај на воена, вонредна или опасност.

Може да се прогласи опасна состојба „доколку се случат воени акти“.

Вооружениот конфликт ги вклучува сите вооружени конфликти, вклучително и граѓанската војна, додека хуманитарната катастрофа ја вклучува секоја ситуација што е резултат на војна или вооружен конфликт, или ако постои некоја друга причина, како природни катастрофи што предизвикуваат многу луѓе да се најдат во тешка ситуација.

Според образложението на предлог-законот, посебен правен поредок може да се воведе само доколку развојот на настаните во соседната земја сериозно ја погоди Унгарија во хуманитарна или економска смисла или ако постои реална можност тоа да се случи.


Можеби ќе ве интересира

(ВИДЕО) Во Долината на смртта имаше невреме кое се случува еднаш во 1.000 години

(ВИДЕО) Во Долината на смртта имаше невреме кое се случува еднаш во 1.000 години

Руските државјани со шенген визи нема да можат да влезат во една европска земја

Руските државјани со шенген визи нема да можат да влезат во една европска земја

(ВИДЕО) ЗАЛОЖНИЧКА ДРАМА ВО БАНКА ВО БЕЈРУТ: Човек си ги бара парите за да ја плати операцијата на татко му

(ВИДЕО) ЗАЛОЖНИЧКА ДРАМА ВО БАНКА ВО БЕЈРУТ: Човек си ги бара парите за да ја плати операцијата на татко му

Европа се соочува со суша каква немало цели пет века

Европа се соочува со суша каква немало цели пет века

Зеленски најави одмазда и повика на отпор во окупираните територии

Зеленски најави одмазда и повика на отпор во окупираните територии

Резников вели дека руските зборови не вредат ништо

Резников вели дека руските зборови не вредат ништо

Извршниот директор на „Модерна“ вели дека вакцините против Ковид ќе еволуираат како „ајфон“

Извршниот директор на „Модерна“ вели дека вакцините против Ковид ќе еволуираат како „ајфон“

KИНА ПРОГОВОРИ ЗА ИДНИНАТА НА ТАЈВАН: Објавен е документ за мирно обединување

KИНА ПРОГОВОРИ ЗА ИДНИНАТА НА ТАЈВАН: Објавен е документ за мирно обединување

„ОСВЕН АКО НЕ САКАТЕ НЕПРИЈАТНО ЖЕЖОК ЛЕТЕН ОДМОР, НЕ ДОАЃАЈТЕ НА УКРАИНСКИОТ КРИМ“ - Министерството за одбрана се исмева со руските туристи

„ОСВЕН АКО НЕ САКАТЕ НЕПРИЈАТНО ЖЕЖОК ЛЕТЕН ОДМОР, НЕ ДОАЃАЈТЕ НА УКРАИНСКИОТ КРИМ“ - Министерството за одбрана се исмева со руските туристи