ВОНРЕДНИ МЕРКИ ВО ГРЦИЈА: Поради коронавирусот посебно внимание во овие три места
Објавено во: Балкан 05 Март, 2020
Во обид да го спречи ширењето на вирусот корона, Грција синоќа воведе итни мерки на западниот дел на земјата.
За потсетување, девет лица се заразени со тој вирус во таму досега, а мерките се на сила на подрачјето на Илија, Закинтос и Ахаја.
Со новите прописи се опфатени училишта, спортски сали, кина, театри и археолошки места.
Според информациите, мерките за вонредна состојба ќе бидат во сила наредните 48 часа, наведува Екатимерини.
Глобален пресек на состојбата на коронавирусот
Бројот на заболени ширум светот надмина 95.000, со повеќе од 3,254 смртни случаи досега. Вкупниот број на излекувани до сега е нешто над 51 000, бројот на активни случаи е 40.488, од кои 83 проценти имаат поблаги симптоми и 17 проценти имаат тешки и многу тешки.
До денес, регистрирани се 80.228 случаи во копното на Кина, од кои 131 се нови, помалку отколку во претходните денови.Инкубација, симптоми и превенција
Инфекција со нова вирусна корона има период на инкубација помеѓу 1-14 дена. Студијата објавена во списанието на Американското медицинско здружение откри нови докази дека вирусот може да се шири асимптоматски. Експертите проценуваат дека секое заразено лице инфицира уште две до три лица во просек за време на епидемијата.
Инфекција со новиот коронавирус има широк спектар на симптоми, вклучувајќи треска, кашлање, останување без здив и отежнато дишење. Поблаги случаи предизвикуваат симптоми како настинка, додека потешки може да доведат до пневмонија, тешка акутна респираторна болест, бубрежна инсуфициенција и смрт.
Најдобра лична превенција е честото миење на рацете и дезинфекција на површините, носење маски за лице и нараквици во јавниот превоз и установите.
Третман
Третманот на пациенти со новиот вирус во моментов е непостоечки и во повеќето случаи симптомите исчезнуваат. Експертите советуваат пациентите да земаат многу течности, да се одморат и спијат, а доколку симптомите се влошат, одете на лекар.
Научниците ширум светот се тркаат за да ја направат вакцината, сепак, експертите предупредуваат дека може да бидат потребни 18 месеци до две години за да се тестира.
Уште една добра вест дојде од Кина, која потврди дека помладите луѓе и децата се поотпорни на вирусот корона. 17-дневно бебе од Вухан се опоравило без лекување и во петокот беше испуштено од болницата во Вухан.
СЗО ги повика државите ширум светот да се подготват за можна пандемија, но експертите изразија и стравувања дека земјите надвор од Кина не се „подготвени“ за такво сценарио.