Возило на кумановска фирма изгоре на Стража
Објавено во: Македонија 14 Септември, 2017
На бензинска пумпа на Стража синоќа во 22.15 часот дошло до опожарување на теренско возило „Ивеко“ со кумановски регистарски ознаки, управувано од кумановецот В.Б.(32), а сопственост на приватна фирма од Куманово.
Пожарот настанал во моментот кога возилото е полнето со гориво. Пожарот избувнал од долниот дел на моторот, а од страна на вработените возилото било истуркано надвор од бензинската пумпа. Веднаш потоа пожарот го зафатил целото возило.
По интервенција на Територијалната противпожарна единица Гостивар, пожарот е изгаснат.
Увид на местото на настанот извршила екипа на Полициска станица Гостивар.
Се преземаат мерки за утврдување на причините за настанување на пожарот.