ВРЕМЕ: Уште малку шетајте по кратки ракави, од четврток барајте капути
Објавено во: Македонија 27 Октомври, 2019
И денеска е толо и сончево. Но, граѓаните ќе можат да им се радуваат на сончевите зраци уште неколку дена, се до среда, наредната недела. Потоа, кратките ракави со кои сега слободно може да се шета преку ден, ќе се заменат со јакни или со капути.
Според управата за хидрометеоролошки работи, времето денеска ќе биде сончево и топло, со слаб ветер од северен правец, при што утринската температура ќе се движи од минус 1 до 7, а дневната од 22 до 29 степени, додека во Скопје дневната температура ќе достигне до 26 степени.
Од УХМР предвидуваат дека сончевото и топло време ќе се задржи се до вторник, a во среда ќе се зголеми облачноста и дневната температура ќе опадне за неколку степени.
Значителна промена на временската состојба се очекува од четврток, кога ќе преовладува претежно облачно и постудено време со врнежи од дожд, со тоа што дневната температура дополнително ќе опадне за уште пет до седум степени.
Или, за во Скопје се предвидува во четврток дневната температура да изнесува 12 степени целзиусови.