ВРЕМЕНСКА ПРОГНОЗА: Еве какво време ќе имаме денес
Објавено во: Македонија 19 Јуни, 2019
Чадорот носете го со вас, попладне се очекува дожд.
Според метеоролозите за денес претпладне ќе биде сончево со мала до умерена облачност, од пладневните часови облачноста ќе се зголеми и ќе биде нестабилно со пороен дожд, грмежи и засилен ветер.
Локално ќе има појава на невреме со пообилни врнежи, силен ветер и појава на град.
УВ индексот ќе изнесува 8.
Дневните температури на воздухот во земјава ќе се движат од 23 до 33 степени.
Во Скопје се очекува слично време и максимални дневни 30 степени.
Според УХМР до четврток во попладневните часови ќе се задржи променливо облачно и нестабилно време со честа појава на пороен дожд, грмежи и засилен ветер.
Локално ќе има појава на невреме со пообилни врнежи, силен ветер и појава на град.
Во петок и за време на викендот ќе преовладува сончево и топло време, но ќе има услови за изолирана појава на пороен дожд со грмежи.
Во понеделник се очекува да биде посвежо, врнежливо и повремено со засилен северен ветер.