Врховен суд бара Пелагонија Гостивар да и врати 1,6 милиони евра на општина Центар
Објавено во: Економија 08 Јануари, 2019
Општина Центар деновиве очекува фирмата „Пелагонија Гостивар“ да и врати 96 милиони денари или околу 1,6 милиони евра, пари кои со блокада ги одзеде од општинската сметка летово. Овој расплет следува откако Врховниот суд одлучил во полза на општина Центар и ја прифатил нивната ревизија, па судскиот спор на Центар со фирмата го вратил на повторно разгледување, на првостепен суд. Компанијата ја тужеше општина Центар и го доби спорот во кој докажуваше дека е оштетена што поранешниот градоначалник Андреј Жерновски го раскина договорот за изградба на катната гаража кај зградата на поранешна „Нова Макеоднија“. Судот досуди во нивна полза, а таа одлука ја потврди и Апелацискиот суд, по што оваа фирма од сметката на Центар летото лани скина 96 милиони денари. Општината остана болирана и две недели не можеше да функцинира нормално.
Актуелниот градоначалник Саша Богдановиќ за Фактор потврди дека Врховниот суд го вратил процесот на почеток и дека ја прифатил нивната ревизија на случајот. Судот наложил Пелагонија Гостивар веднаш да ги врати парите. Богдановиќ вели дека очекува деновиве парите да легнат на општинската сметка. Во спротивно ќе бара да ги наплати преку извршител како што летото тоа го стори и Пелагонија Гостивар.
Фактор пишуваше за овој случај, за кој истражуваше и Управата за финансиска полиција. Поранешниот градоначалник Жерновски кој сега е заменик министер за надворешни работи тврдеше дека не го раскинал договорот. Сите детали овде