Втора година по ред тој е најбогатиот Русин
Објавено во: Свет 20 Април, 2017
Според Форбс Леонид Михелсон(61), косопственикот на рускиот производител на гас Новатек, е најбогатиот Русин.
Тој ја има оваа титула втора година по ред.
Михелсон располага со богатство што се проценува на 18,4 милијарди долари, објави руското издание на списанието Форбс.
Тој го зголеми своето богатство за четири милијарди американски долари во споредба со минатата година, и на листата на 200 најбогати руски бизнисмени на Форбс за 2017 година го зазеде првото место.
Oсвен мнозинскиот удел во Новатек, кој е втор по големина руски производител на гас по Газпром, Михелсон има удел и во петрохемиската компанија Сибур.
„Влезницата“ за место на листата на богаташи на Русија достигна рекордни 500 милиони долари оваа година, во споредба со 350 милиони за минатата, според Форбс.