Вучиќ и Рама добија печена пченка и подароци во Скопје
Објавено во: Македонија 29 Јули, 2021
Српскиот претседател Александар Вучиќ и премиерот на Албанија, Еди Рама синоќа прошетаа во центарот на Скопје, а добија и подароци.
Домаќините ги почестија двајцата претседатели печена пченка од уличните продавачи, а Шилегов им даде подарок на сите, а за Рама препознатлив беше дресот на фудбалскиот клуб Јувентус.
„Им посакав добредојде на претседателот на Србија, Вучиќ и на премиерот на Албанија, Рама после што имавме заедничка прошетка по новиот скопски кеј, каде домаќин ни беше градоначалникот Шилегов. Разговаравме и со граѓаните во центарот на Скопје, како најава на Економскиот форум за регионална соработка кој првпат се одржува во Северна Македонија, како и за отворањето на нови перспективи за нашето поврзување“, напиша премиерот Зоран Заев на својот Фејсбук профил.
Граѓаните се фотографираа со нив.