Вулин бара да се запре ширењето на „Голема Албанија“ за да не се запали регионот
Објавено во: Балкан 16 Август, 2018
Српскиот министер за одбрана, Александар Вулин денеска изјави дека треба да се запре ширењето на „Голема Албанија“.
Вели дека оваа идеја е најопасна на Балканот.
„Голема Албанија“ значи војна и тоа не само војна со Србија и со Србите, туку палење на Црна Гора, Македонија, можеби и Грција и сигурно Србија. Сакате да ја запреме или не сакате или да почекаме на некој поинаков распоред на ѕвездите и силите“ – праша Вулин.
Во изјава за Телевизија Хепи тој рече дека за прашањето за разграничување ништо не е договорено, затоа што најголемите сили се против тоа, за што според него, сведочи и изјавата на германската канцеларка Ангела Меркел.
Според него, тие сакаат независно и цело Косово.
Рече дека најголемите светски сили сакаат да ја оправдааат 1999 година затоа што разграничувањето би значело дека агресијата на НАТО не била според закони и дека на тој начин признаваат дека тие напади биле акт нанасилство, правно и секое друго.