ЗА 11 МИЛИОНИ ЕВРА „ГРАНИТ“ ЌЕ ПРАВИ УСЕК ЗА РАЗДВОЈУВАЊЕ - РЕК Битола реализира голема јавна набавка
Објавено во: Економија 05 Август, 2021
Градежната компанија ќе гради усек за раздвојување за РЕК Битола, за што ќе наплати близ 11 милиони евра.
За овој договор за јавна набавка што ја доби „Гранит“, компанијата ја извести Берзата преку ценовно чувствителна информација.
Договорот е потпишан со Државните електрани - ЕСМ, односно со подружницата РЕК Битола, а јавната набавка ќе се реализира преку рамковна спогодба со една компанија, односно економски оператор.
„Согласно Глава 6 од Правилата за котација, известуваме за следната ценовно чувствителна информација: ГД Гранит АД потпиша Договор за јавна набавка на работа со АД ЕСМ - Скопје , Подружница Рек Битола ( врз основа на рамковна спогодба со еден економски оператор). Предмет на Договорот е јавна набавка на Изработка на усек за раздвојување во ПК ПЈС,РЕК Битола“, се вели во известувањето до Берзата.
Натаму, се додава дека вредноста на договорот со пресметан ДДВ изнесува 672.600.000 денари, односно 10,94 милиони евра, за период од 12 месеци, или до исцрпување на вкупната вредност во зависност од тоа кој прв услов ќе се исполни.
Н.Н.Ф.