ЗА 15 МИЛИЈАРДИ ДОЛАРИ: Џек Ма ја менува Алибаба, веќе нема да биде „обична“
Објавено во: Свет 12 Октомври, 2017
Најголемата кинеска платформа за е-трговија Алибаба со инвестиција од 15 милијарди долари ќе се обиде да го смени имиџот на обичните интернет продавници.
Еден од директорите на Алибаба Џеф Занг на годишната клауд конференција најави дека следните три години ќе отвори нови истражувачки фирми ширум светот, во кои сака да вработи неколку стотици експерти. Со овој потег сакаат да им се приближат на другите компании како Гугл, Мајкрософт како и најголемиот светски конкурент Амазон.
Новата иницијатива го носи името DAMO што значи ‘Discovery, Adventure, Momentum и Outlook’.
Ќе се отворат истражувачки центри во Пекинг и Хангзоу како и во Сингапур, Москва, Тел Авив и во Силициумската долина.
Ќе се фокусираат на истражувања на подрачјето на паметна интелигенција, препознавање на говор...Истражувањата ќе се објават јавно, а технологијата ќе може да ја користат и нивните партнери.
Алибаба со овој потег им се придружува на другите кинески компании кои го продолжуваат развојот на нови производи на меѓународните партнерства.