ЗА ДА ИЗБЕГНАТ КАЗНИ: ЕУ бара од социјалните мрежи да се менуваат!
Објавено во: Стил 17 Март, 2017
Социјалните мрежи, кои сакаат да обезбедат услуги на територијата на Европската унија, ќе треба да се менуваат. Од заштитата на личните податоци на корисниците до брзината со која ќе избришат нелегални или заканувачки содржини. Ако не се согласуваат, ќе бидат казнети.
Ова беше објавено официјално од Европската комисија, од каде најавија официјално дека „ќе преземат акција за да се осигураат дека социјалните мрежи се во согласност со потрошувачките права во ЕУ“.
Во оваа недела Германија објави дека подготвува нов закон кој ќе ги обврзе социјалните мрежи како Facebook, Twitter и Google+ да избришат клеветнички или заканувачки пораки, во спротивно ќе бидат казнети со 50 милиони евра.
Според информација на Reuters компаниите веќе имаат понудено начини на кои да се решат проблемите и веќе ги разгледуваат со европските власти. За време на средбите е разговарано за спорна точка од општите услови, која ги обврзува корисниците да претендираат исклучиво пред судот во Калифорнија, каде се базирани повеќето големи компании, наместо во нивната сопствена држава.