За колку пари ќе се продава седиштето на ВМРО-ДПМНЕ?
Објавено во: Економија 26 Октомври, 2018
Христијан Мицкоски, претседателот на ВМРО-ДПМНЕ, во разговор за МКД.мк, најави продажба на партиското седиште. „Белата палата“ инаку е една од најскапите партиски седишта во Европа.
- Размислуваме за рационализација на трошоците во партијата. Ако имаме соодветна понуда, објектот на штабот на партијата би го продале или би го изнајмувале доколку има соодветна понуда. Сега правиме еден вид на скенирање на пазарот, па ќе видиме, вели во интервјуто за МКД.мк Христијан Мицкоски, претседателот на ВМРО-ДПМНЕ.
Ова кратење на трошоците наведува на заклучок дека партиската каса се празни и е многу помаа во однос на времето кога ВМРО-ДПМНЕ беше на власт. Тоа беше една од причините за лидерски средби во текот на летото и менувањето на законот за политички партии, по што многу повеќе пари од буџетот на Македонија треба да им припаднат на политичките субјекти. Членови на СДСМ во една прилика рекоа дека законот се менува за да му се излезе во пресрет на ВМРО-ДПМНЕ за да „им се помогне во спасувањето на партиската каса“.