25 Април, 2024
0.0412

ЗА ОДМОР, СВАДБА, КРПЕЊЕ ФИНАНСИСКИ ДУПКИ: За што се бараат најмногу кредити?

Објавено во: Економија 17 Јули, 2018

Добивај вести на Viber

За да „скрпат“ некоја финансиска дупка, за одмор или за спремање свадба Македонците најчесто подигнуваат кредити.

Податоците на две од трите најголеми банки покажуваат дека граѓаните најмногу преферираат потрошувачки односно ненаменски кредити. Во споредба со сите други банкарски продукти нивната побарувачка најмногу пораснала лани

Македонците најчесто одлучуваат да подигнат ненаменски готовински кредит според банкарски жаргон или народски кажано : потрошувачки кредит!

Таков тип на заем доминира во кредитната структура на работа со население кај двете големи банки кои намјногу работат со население: Стопанска банка Скопје и НЛБ Банка Скопје. Граѓаните го земаат за најразлична намена: крпење на финансиски дупки, спремање матурска или свадба, одење на одмор, купување уреди за домаќинство или купување половен автомобил, мало реновирање или некоја друга домашна или лична потреба, а можеби и само хир.

Според официјалните податоци на Стопанска банка Скопје и на НЛБ Банка лани нивната вкупна изложеност по ненаменски или потрошувачки кредити надминува 656 милиони евра и кај двете банки тој продукт е најбаран и со најголема стапка на раст во однос на 2016 година. 

Кај Стопанска банка на крајот на 2017 година нивото на потрошувачки кредити е 385 милиони евра и тоа е за 51 милиони евра повеќе од 2016 година. Втор по големина кредитен продукт кој го бараат граѓаните се станбените кредити и тие лани изнесувале 155 милиони евра и во однос на 2016 година пораснале за 4 милиони евра. Тоа покажува дека граѓаните се многу повоздржани кога станува збор за станбени кредити и потешко се одлучуваат за нив или пак банките имаат покомплексни процедури за нивно одобрување. Значајна кредитна ставка се и кеш кредитите познати под називот „Мој кеш“ и кредитните картички на Стопанска банка задолжување кое лани било на ниво од 113 милиони евра и пораснало за 5 милиони евра во однос на 2016 година.

Кај НЛБ Банка исто како и кај Стопанска банка потрошувачките кредити се најголемата ставка во структурата на изложеност на банката спрема населението. Нивниот износ на крај на 2017 година е 271,5 милиони евра и книжи раст од 10,3 отсто во однос на 2016 година. Нивото на станбените кредити е 141,4 милиони евра и книжи раст од 10 отсто за една година. Трета ставка во портфолиото на кредитни продукти за население на оваа банка се кредитните картички и тие се на ниво од 34,2 милиони евра. Вкупната изложеност спрема население на банката лани е 468 милиони евра на оваа банка.

Комерцијална банка, која е дел од тројката најголеми банки, има многу мала изложеност спрема население кога ќе се спореди со своите конкуренти. Според поатоците од нејзниот годишен извештај за 2017 година нејзините пласмани по основ на ненаменски и на станбени кредити изнесуваат вкупно околу 54 милиони евра. Од тоа на потрошувачки кредити отпаѓаат 28,9 милиони евра, а на станбени кредити 25 милиони евра. 


Р. Ф.

Можеби ќе ве интересира

ДАЛИ Е ОВА НАЈВИСОКАТА НЕТО ДИВИДЕНДА? Изнесува 35 евра за акција, а приносот е 7 отсто

ДАЛИ Е ОВА НАЈВИСОКАТА НЕТО ДИВИДЕНДА? Изнесува 35 евра за акција, а приносот е 7 отсто

Економската зона Ченгду-Чонгкинг е еден од главните мотори на идниот економски раст на Кина

Економската зона Ченгду-Чонгкинг е еден од главните мотори на идниот економски раст на Кина

САКАТЕ УСПЕХ ВО КАРИЕРАТА: Вмрежувајте се и ширете ги контактите

САКАТЕ УСПЕХ ВО КАРИЕРАТА: Вмрежувајте се и ширете ги контактите

ПРОФИТОТ НА ТЕСЛА ПРЕПОЛОВЕН: компанијата ја губи трката од кинеските конкуренти

ПРОФИТОТ НА ТЕСЛА ПРЕПОЛОВЕН: компанијата ја губи трката од кинеските конкуренти

СВЕТСКИ ПОЗНАТА КОМПАНИЈА ТУЖИ АМЕРИКАНСКИ „ЏИН“: Им го украдоа заштитниот знак на моделите на спортска облека

СВЕТСКИ ПОЗНАТА КОМПАНИЈА ТУЖИ АМЕРИКАНСКИ „ЏИН“: Им го украдоа заштитниот знак на моделите на спортска облека

„ПРИЛЕПСКА ПИВАРНИЦА“ ЌЕ ДЕЛИ ДИВИДЕНДА ОД ВКУПНО 714 ИЛЈАДИ ЕВРА - од пиво добро се живее во Македонија

„ПРИЛЕПСКА ПИВАРНИЦА“ ЌЕ ДЕЛИ ДИВИДЕНДА ОД ВКУПНО 714 ИЛЈАДИ ЕВРА - од пиво добро се живее во Македонија

ДОПРВА ЌЕ ГО БАРААТ И ЌЕ ПОСКАПУВА: Бакарот урива рекорди

ДОПРВА ЌЕ ГО БАРААТ И ЌЕ ПОСКАПУВА: Бакарот урива рекорди

ЕВЕ КАКОВ РАБОТОДАВАЧ Е „ЛИДЛ“: Искуствата на вработените кажуваат сѐ

ЕВЕ КАКОВ РАБОТОДАВАЧ Е „ЛИДЛ“: Искуствата на вработените кажуваат сѐ

КОИ ЕВРОПСКИ ЗЕМЈИ ОБЕЗБЕДИЈА НАЈМНОГУ ИКТ УСЛУГИ? – еве каде е забележан најголем раст

КОИ ЕВРОПСКИ ЗЕМЈИ ОБЕЗБЕДИЈА НАЈМНОГУ ИКТ УСЛУГИ? – еве каде е забележан најголем раст