08 Декември, 2022
0.0268

За прв пат по подолго време купена механизација за чистење снег на патиштата

Објавено во: Економија 13 Октомври, 2021

Добивај вести на Viber

Покрај редовните трошоци за одржување на магистралните и регионалните патишта, „Македонија пат“ за три милиони евра за товарни моторни возила опремени со специјална опрема за чистење на снег за прв пат по подолго време купи механизација за зимско одржување.

Од две добиени понуди, „Технокомерц“ го доби тендерот со најниска понуда, а сумата е прецизирана на 177.000.000 денари. Станува збор за 15 кипер камиони со специјална опрема за чистење на снег. Еден вреди 10.000.000 денари без ДДВ.

Моторната зафатнина на возилата ќе биде 11.000 сантиметри кубни, а максималната тежина 26 тони. Ќе бидат опремени со ретардер, АБС, клима уред, помош при кочење и круз контрол. Минималниот стандард кој ќе го задоволуваат е Еуро 5. Ќе има автоматски менувач со 12 брзини напред и 3 назад. Плугот треба да е изработен од високо квалитетен челик, а расфрлувачот на сол треба да е контролиран од кабината.

Треба да бидат испорачани за 60 дена, а гаранцијата да биде 12 месеци. Исплатата ќе биде одложена на 180 дена од приемот на механизацијата. Јавното претпријатие со години наназад ангажира приватна механизација за расчистување на снежните наноси на патиштата, а и редовно се жали дека онаа што е во нивна сопственост е амортизирана, односно дека често се трошат високи суми за набавка на резервни делови и поправки.

Јавното петпријатие за заштита и одржување на магистралните и регионални патишта по подолго време ќе има можност да има своја нова механизација, а за тоа веќе доби три милиони евра од Владата, па затоа единствената дилема е зошто се купуваат со одложено плаќање.

Парите во износ од 180 милиони денари кои на крајот од минатата година Владата објави дека ќе ги префрли како државна помош за ЈП Државни патишта, се всушност пари кои од таму треба да се најдат на сметката на поранешна „Македонија пат“, во чии надлежности меѓудругото е да работи и на зимско одржување на патиштата.

- Од 22.12.2020 одобрени се средства во износ од 180.000.000 на ЈП за државни патишта наменети за набавка на механизација за одржување на минимум стандарди на инфраструктурата на ЈП за одржување на магистрални и регионални патишта, велат од ЈП Државни патишта.

Од таму додаваат дека средствата се префрлени од државниот буџет за 2020 на крајот на годината на посебна наменска сметка на ЈП за државни патишта и се пренесуваат за 2021, а ќе се користат наменски според одлуката.

Инаку поранешно ЈП Македонија пат веќе неколку години по ред бара од Владата помош за набавка на нови машини и возила. Во последниот извештај вели дека недоволната и неквалитетна механизација влијае на негативниот финансиски извештај со својата амортизација.

Јавното претпријатие „Државни патишта“, кој инаку годишно од својот буџет одобрува по околу 10 милиони евра за „Македонија пат“, на 30 декември ја доби исплатата од 180 милиони денари како државна помош.

А.К.


Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

НАМЕСТО ПЛАТА - УБАВ ЗБОР, еве како да се мотивираат вработените без пари

НАМЕСТО ПЛАТА - УБАВ ЗБОР, еве како да се мотивираат вработените без пари

КАКВА ЌЕ БИДЕ ЦЕНАТА НА НАФТАТА ДОГОДИНА: САД ја намалија прогнозата за 2023 година.

КАКВА ЌЕ БИДЕ ЦЕНАТА НА НАФТАТА ДОГОДИНА: САД ја намалија прогнозата за 2023 година.

Додека храната поскапува, има ли нешто што поевтинило?

Додека храната поскапува, има ли нешто што поевтинило?

Генерали Инвестментс: Пазарите на капитал продолжуваат да остваруваат благи добивки

Генерали Инвестментс: Пазарите на капитал продолжуваат да остваруваат благи добивки

ДИРЕКТОРСКИ ПРОМЕНИ ВО ЖИТО ЛУКС - нов потпретседател на УО и заменик генерален директор е Димитриос Плакоутсис

ДИРЕКТОРСКИ ПРОМЕНИ ВО ЖИТО ЛУКС - нов потпретседател на УО и заменик генерален директор е Димитриос Плакоутсис

За колку се зголемила минималната потрошувачка кошничка во ноември?

За колку се зголемила минималната потрошувачка кошничка во ноември?

МАЈКРОСОФТ ГО ДОБИВА ПРВИОТ СИНДИКАТ НА РАБОТНИЦИТЕ - рокот за гласање е до крајот на декември

МАЈКРОСОФТ ГО ДОБИВА ПРВИОТ СИНДИКАТ НА РАБОТНИЦИТЕ - рокот за гласање е до крајот на декември

Ескалација на трговските спорови меѓу ЕУ и Кина во Светската трговска организација

Ескалација на трговските спорови меѓу ЕУ и Кина во Светската трговска организација

Стопанската Комора на Македонија идентификува извозните можности и потенцијали на македонската економија

Стопанската Комора на Македонија идентификува извозните можности и потенцијали на македонската економија