ЗА РОДИЛКАТА ОД ТЕТОВО ЌЕ СЕ ИЗВРШИ УВИД: Документот ќе биде јавно објавен, рече Филипче за случајот на Дона која имаше некороза на матка, а ја лечеле со чаеви
Објавено во: Македонија 27 Декември, 2021
За родилката од
Тетово на која и беше извадена матката заради некороза, а која лекарите во
тетовската болница ја лекуваа со чаеви, министерот за здравство Венко Филипче
денеска, одговарајќи на новинарско
прашање истакна дека прво треба да се направи анализа, односно да се
изврши увид и стручен надзор, а се што ќе добијат како документ, како што истакна, ќе биде соопштено јавно.
– За секој еден од случаите, каде било, дали се работи за болница во Тетово или ширум државата, апсолутно сме биле и до сега, а верувам така и ќе продолжи, транспарентни за било што да се испита. За секој случај за кој ќе стигне пријава или забелешка се оди по патот кој што е вообичаен, а тоа е прво да се направи надзор од Државниот санитарен и здравствен инспекторат. Тоа е процес во кој се анализираат документите, дали се запазува административната процедура и потоа врз основа на тоа се утврдува употреба на стручен надзор, кој го извршува Лекарската комора или Министерството за здравство, рече министерот Филипче.
Инаку, со статус на Фјесбук, Дона Неделковска од Тетово, пред околу една недела раскажа за се што преживеала во тетовската болница. Појаснува дека докторката и велела дека има гастритис и и велела дека не и ништо.
-Се извинувам на читателите за тоа што следно ќе го прочитате, но има еден израз во медицината, се вика мизeрере. Тоа е кога цревата не работаат, и измет излегува низ уста. Повраќав фекалии. Доктори ме гледаа и ми кажуваа дека не ми е ништо, дека имам гастритис. Драгата докторка задолжена за царскиот ми даваше билни чаеви и ми ставаше врели шишиња на стомак. На 5. јули. ме примија во Скопје, веќе во полусвесна состојба. Итно снимање, итно инфузии и на крај, итна операција. Се разбудив следниот ден, со огромна рана на абдоменот и не знаев што се случило. Ми кажаа дека ми е извршена хистеректомија т.е. отстранување на матката, бидејќи била некротизирана т.е. СКАПАНА. Да, во Тетово цели 5 дена ме чувале со некроза на матка, на раб на сепса, ме лечеа со чај од нане и рузмарин. Само Господ и двајцата доктори од Скопје кои ме оперираа ме спасија и се причина зошто сум сега тука и го пишувам ова и моето дете има мајка, објави Дона на Фесјбук.
A. Б.