„За тебе“-формирано првото и единствено Здружение од деца без родители за деца без родители
Објавено во: Македонија, Мои пари 23 Јуни, 2020
За многумина 2020 е тешка година, а за нив - надеж! Здружението „За тебе“ ветува целосна посветеност на сите млади кои пораснале без родители!
„За тебе“ - ново име во светот на грижата и поддршката! Ново Здружение кое ги застапува проблемите на децата без родители
2020 година можеби е најтажната година за многумина од нас. Година кога многу планови останаа во позадина, кога многу луѓе го загубија животот, година кога откривме колку е важно да сме сите сплотени.
Сепак, оваа година со себе носи и нешто убаво, барем за една група на граѓани, кои, како сите нас, се дел од ова општество и заслужуваат можност да станат најдобрата верзија од себе.
За првпат во Р.С.М. во 2020 година се формира здружение 'од деца без родители, за деца без родители', со целосно име Здружение за помош и поддршка на деца без родители „За тебе“. Ние веруваме дека секое дете заслужува шанса да си ги оствари соништата.
„За тебе“ има цел да го инспирира општеството да им биде семејство на овие деца, со креирање на програми преку кои експертите во својата област ќе можат споделат дел од своето време, знаење и вештини, за и овие млади луѓе да имаат достоинствен живот.
Преку програмите кои Здружението „За тебе“ веќе ги подготвува, ќе се опфатат клучните предизвици со кои се соочуваат младите луѓе кои до 18 години имале статус на дете без родители.
Засега, јавноста ќе ги добива сите информации за делувањето на ова здружение преку Фејсбук страна For You - За тебе.
Достоинствен живот за сите деца без родители!
Можеби ќе ве интересира
ДУИ на симулирана седница ги избра Бујар и Села за претседатели и направи уставни измени
СОНК: Иако е период на избори, најверојатно ќе почне генерален штрајк во установите од културата
ГЕСТ ЗА ПРИМЕР И ПОЧИТ! Која фирма за свои сограѓани од Свети Николе ќе даде над 250.000 евра?
Маричиќ со „дипломатски“ коментари на предлозите на Османи за Сребреница и Отворен Балкан
„Алкалоид“ најпосакуван работодавач за 2023 година – апсолутен победник според „Вработување.ком“
„ВЕНКО, ЗОШТО ПАК ВО ПОЛИТИКА, МЕСТОТО НА ДОКТОРИТЕ Е ВО ЗДРАВСТВЕНИОТ СИСТЕМ?“: Филипче одговори на прашањето што сите си го поставуваат
„ОВА НЕ Е НОРМАЛНО ШТО СЕ СЛУЧУВА ВО СКОПЈЕ“: Кејот под мостот Гоце Делчев претворен во паркинг!
„АКО ИМЕТО ЗАПАДЕН БАЛКАН ВИ ЗВУЧИ ПОГРДНО, ЗАГАДЕН БАЛКАН Е 100 ПРОЦЕНТИ ТОЧНО“: Д-р Нико Беќаровски објави поразувачка листа, Македонија втора во Европа по загаден воздух
