За ВМРО-ДПМНЕ покачувањето на минималецот е популистичка мерка
Објавено во: Економија 16 Ноември, 2019
За ВМРО-ДПМНЕ, повисоката минимална плата е добра мерка, но популистичка и предизборна.
Од партијата го поддржаа Предлог-законот за изменување и дополнување на Законот за минимална плата, но сметаат дека тоа е популистичка мерка пред избори и дека не е објаснето како е стасано до сумата од 14.500 денари бидејќи не е приложена никаква анализа.
Од ВМРО-ДПМНЕ велат дека ќе имаат бројни предлози за подобрување на состојбите особено врзани со трудово-социјалниот сектор, платите, пензиите, регулирање на односите во инспекциските надзори, се со цел подобра благосостојба на граѓаните, но ова дополнително ќе биде презентирано во предизборната кампања.
Пратениците завчера дадоа зелено светло за минималец од 14.500 денари.